Goggius de su Scravadori

Goggius de su scravadori O beru sa vida e is miraculus de su boccidori de Anna Angius

A cavalieri canaglia dd'hauti scavallerau Liau ndi dd'hanti sa medaglia Chi cun pompa dd'hanti giau

A Giuseppi de Giudea
a Giuseppi su Giudeu
liau ndi dd'hanti su nudeu
a Giuseppi de Arimatea
dd'hanti fattu una trobèa
e su gradu ddu hat lassau

Una trobèa dd'hanti fattu
e nei hat perdiu s'arimetta
non portas prusu stelletta
signor Manusdegattu
in dia ganza e in dì de fattu
bessì deppit degradau

De cappottu bistiu
in mò deppit bessì
a su notti e a de dì
a luxi e a iscuriu
canni ortas scadessi biu
a cappottu imboddiau

Bistiu pò scravamentu
cantu ortas biu s'adessi
cun su cappottu a s'imbress
e giudaicus bistimentus
e milli travestìmentus
segundu su costumau

A tottt'annu fut cida santa
a tott'annu scravatorius
sempri grandus mortorius
me in biddas de accanta
sempri ddu tzerrianta
a capi fut nomenau

Barbas fintas e garettas
e tanallas e marteddus
trapantìs e iscraffedus
crazzolleddas e bottas
ainas de stuppsì portas
non ndi dd'hat ammancau

Scalas mannas epittìas
cannaittu beni luntu
crai falsa a passu pertuntu
ferrus de centu ginias
ainas pò tirai vias
in provvista hat comporau

Sempri prontu s'estì tentu
pò tottus is evenienzas
tottus is cunvenienzas
adattaspo scravamentu
su bottu des'inguentu
cun balsamu ammesturau

Non fait solu scravazionis
de su corpus de Deu
custu famosu giudeui
scravat portas e portonis
guardarobas e cascionis
e dogna cadasciu criau

Scravat a dognora
ca su scravaifu bellu
una orta a iscalpellu
scravat sa serbidora
Anna sa lavadora
de Maddalena hat posau

Cambiai arti e professioni
e a Erode s'est bistìu
luegu hat mortu su pippiu
e tudau in su muntoni
a trebuzzu e a marroni
dd'hat in fundu sutterrau

Minacciai de schillìttai
Anna sa Maddalena
poita hat tentu sa pena
pagus strinas de fai
non dd'hat offlu pagai
mancu su trabattu

De Anna su schillittu
postu dd'hat in imbarazzu
ca sonai su linguazzu
e a bortas su sulitu
silenziu apunt'e brocitu
subitu dd'hat intimau

Ma sighiat a sonai
e non fut linguazzu e canna
fut linguazu e zi Anna
chi olliat dinai
olliat a dda pagai
cumenti fut aggiustau

Unu pagu andau mali
dai fut su scravamentu
mannufutsu scravamentu
de custu giogu fatali
in su scravai a puntali
perfetta non esti stau

Non esti stau perfettu
mancu in sa Vìa Crucìs
"Pilloni, is ous chi frucis
poita non has obertu?"
su scravai in su fettu
donat malu resultau

Donat resultau melzanu
culpa de una neua oberta
in d'una ecca a manu deretta
de Orìstanis in bixianu
ma rìmediu sovranu
cussa neua hat curau

Non tìmendipo is dinais
e tìmendu zitazioni
fattu dd'hat una funzioni
in sa bia de Orìstanis
imparada de is margianis
chi sa pudda hanti cassau

Beniu nei hat de Seddori
genti pò custu affarìu
ma in su monti calvariu
non incontrat su scravadori
a fai su castiadori
a Grisaionis est andau

In Sardara e Pabillonis
attesu logus e accanta
passa sa Xida Santa
sighiat is funzionis
circat in tottus is currungionis
su Deus Crucificau

In d'una domu sardaresa
circhendu su crocifìssu
unu santixeddu e ghissu
bidi a suba de una mesa
po sa troppu graiesa
atra cosa hat pensau

Pensau hat poita fut grai
poita sonu hat intendiu
e prontamenti hat cumprendiu
chi ddu i essit dinai
pò no si podi stentai
su tzugu ndi dd'hat segau

Murìghendi is paperis
est istau meda abili
fiat capu contabili
in su regnu de is pastisseris
de conzittai is conzilleris
s'impresa siat pigau

Siat pigau s'impresa
de fai su consulenti
de imbrogliai sa genti
cun brìu e cun lestresa
cantra sa poboresa
sempri s'esti ingegnau

Est unu ingegna mannu
chisdtfinzas cosìri
candii su pibizzirì
passau nei/ut cudd'annu
de is tendas de pannu
mudandas hiat tallau

Circat sempri de arresigai
in grandu e in pittiu
in dogna logu s'est ficchiu
chiddu iat cos'è pappai
po dirigi e amministrai
issu sempiri esti intrau

Candu fìat segretariu
spollau hatsa causa pia
nd'hatfattu 'e ogni ìnia
in su monti frumentariu
de is barracellus attuariu
hatesigiu e pappau

Postu s'est president
de is pasturar in comunella
custa certu estsaprus bella
colloniat ugualmenti
e pastori e possident
chi hia tpasciau e chi hai affìttau

Est dottu in dogna mali
pò s'mbrogliu est unu sprigu
che unu ìntruxiu a su spaigu
currit a su funerali
de cuncunu morti prinzipali
candelas po ndi buscai

Mannas medas e bellas
funtì is impresas suas
imputazionis bintìduas
tenit in certas tabellas
non ispanat prus is velas
ca su bentu est cessau

Settimana Santa 1915
Filippo Sanna Serpi, San Gavino Monreale